ເມືອງບາຈຽງຈະເລີນສຸກມອບຫຼຽນກຽດຕິຄຸນ ກອງທັບໃຫ້ແກ່ສະມາຊິກສະຫະພັນນັກຮົບເກົ່າ

0
16

ໃນ​ຕອນ​ເຊົ້າ​ຂອງ​ວັນ​ທີ 11 ກັນຍາ 2017 ​ເມືອງ​ບາ​ຈຽງຈະ​ເລີຍ​ສຸກ​ຈັດພິທີ​ມອບ​ຫຼຽນກຽດຕິ​ຄຸນ​ກອງທັບ​ໃຫ້​ແກ່​ສະມາຊິກ​ສະຫະພັນ​ນັກຮົບ​ເກົ່າ​ໂດຍ​ພາຍ​ໃຕ້​ການ​ເປັນ​ປະທານຮ່ວມ ຂອງ​ທ່ານ ​ໂສມ​ບຸດ​ຕະກຸນ ກຳມະການ​ພັກ​ແຂວງ ​ເລຂາ​ພັກ​ເມືອງ​ເຈົ້າ​ເມືອງໆບາ​ຈຽງ ​ແລະ ທ່ານ ພັທ ສົມ​ຫວັງ ພັນ​ພົມມາ ຮອງ​ປະທານ​ສະຫະພັນ​ນັກຮົບ​ເກົ່າ​ແຂວງ ​ເປັນ​ກຽດ​ເຂົ້າ​ຮ່ວມ ມີຄະນະ​ປະຈຳ-ກຳມະການ​ພັກ​ເມືອງ ​,ອະດີດ​ນາຍ​ທະຫານ​ບຳນານ,ປະ​ທ່ານໜ່ວຍສະຫະພັນ​ນັກຮົບ​ເກົ່າ​ຂັ້ນ​ບ້ານ ຕະຫອດ​ເຖີງ ຫົວໜ້າຫ້ອງການ,ພະນັກງານ​ລັດຖະກອນ​ໃນ​ທົ່ວ​ເມືອງ

​ໃນ​ພິທີ​ ທ່ານ ພັທ ສົມ​ຫວັງ ພັນ​ພົມມາ ຮອງ​ປະທານ​ສະຫະພັນ​ນັກຮົບ​ເກົ່າ​ແຂວງ ຂື້ນຜ່ານ​ປະຫວັດ​ມູນ​ເຊື້ອ ຄວາມໜາຍຄວາມ​ສຳຄັນ​ຂອງ ຂອງ​ວັນ​ສ້າງ​ຕັ້ງ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ​ຄົບຮອບ 15 ປີ ,ພ້ອມ​ນັ້ນ​ທ່ານ ພັຕ ພົມມາ ​ແກ້ວ​ກົງ​ສອນ ປະທານ​ສະຫະພັນ​ນັກຮົບ​ເກົ່າ​ເມືອງ​ບາ​ຈຽງ​ໃຫ້​ກຽດຜ່ານ​ຂໍ້​ຕົກລົງ​ຂອງ​ກະຊວງ​ການ ຕ່າງປະ​ເທດ ວ່າ​ດ້ວນ​ການ​ມອບ​ຫຼຽນກຽດຕິ​ຄຸນ​ກອງທັບ​ໃຫ້​​ແກ່​ນາຍ​ທະຫານ​ທີ່​ພັກຜ່ອນ​ບຳນານ  ທີ່​ເປັນ​ສະມາຊິກ​ສະຫະພັນ​ນັກຮົບ​ເກົ່າ ລວມມີ 97 ສະຫາຍ ​ໃນ​ນັ້ນ​ມີ ຊັ້ນ ພົຈວ ມີ 01 ສະ​ຫາຍ,ຊັ້ນ ພັອ ມີ 01 ສະຫາຍ, ຊັ້ນ ພັທ ມີ 15 ສະຫາຍ ,ຊັ້ນ ພັຕມີ 22 ສະຫາຍ​,ຊັ້ນ ຮອ ມີ 29 ສະຫາຍ,ຊັ້ນ ຮທ ມີ 16 ສະຫາຍ,ຊັ້ນ ຮຕ ມີ 09 ສະຫາຍ,ຊັ້ນ​ວາທີ ມີ 04 ສະຫາຍ ,ພ້ອມ​ນັ້ນ​ໃນ​ຕອນ​ທ້າ​ຍຂອງ​ກອງ​ປະຊຸມ​ດັ່ງ​ກ່າວ ຍັງ​ໄດ້​ຮັບ​ຟັງ​ການ​ໂອ​ລົມ​ຈາກ​ທ່ານ ​ໂສມ​ ບຸດ​ຕະກຸນ ກຳມະການ​ພັກ​ແຂວງ ​ເລຂາ​ພັກ​ເມືອງ​ເຈົ້າ​ເມືອງໆບາ​ຈຽງ ​ ​​ໄດ້ ຍົກ​​ໃຫ້​ເຫັນ​ພາລະ​ບົດບາດ​ຄວາມ​ສຳຄັນຂອງ ວັນ​ສ້າງ​ຕັ້ງສະຫະພັນ​ນັກຮົບ​ເກົ່າ​ແຫ່ງ​ຊາດ ​ທີ່​ປະຊາຊົນ​ບັນດາ​ເຜົ່າ​ໄດ້​ອຸທິດ​ເສຍ​ສະຫຼະ​ແລະ​ຍາດ​ມາ​ໄດ້​ ​ເພຶ່ອ​ໃຫ້ປະຊາຊົນ​ກໍ່​ຄື​ພວກ​ເຮົາ​ໄດ້​ຮັບ​ການ​ສືບ​ທອດ​ຢ່າງ​ສົມ​ກຽດ ​ຢາມ​ໃດ​ກໍ່​ຮູ້​ບຸນຄຸນ​ເຖິງ​ບັນດາ​ທ່ານ ທີ່​ເສຍສະຫຼະປະກອບ​ສວນ​ເຂົ້າ​ໃນ​ພາລະກິດ​ປະຕິ​ວັດ.

LEAVE A REPLY

Please enter your comment!
Please enter your name here